日常小百科

【仲用自拍棍拍片？教你利用手機穏定器拍靚片的四個技巧】

宜家啲電話鏡頭勁高像素，所以都多咗人會用手機去拍片，
但係徒手或者用自拍掍拎住部電話拍片出嚟個效果真係震到啊媽都唔認得。
心思思想買返個雲台或者Stabilizer玩下，但唔知點樣可以拍得靚啲？
以下四個技巧，令你輕鬆變成拍片大師：

1. 移動身體製造多運鏡
往往我哋好單純只有透過手部嘅移動，做畫面嘅位移，令到錄出嚟嘅畫面感覺非常生硬，
但如果拍片果個人可以透過身體嘅移動，令到成個畫面都跟住一齊移動，達至運鏡嘅效果，反而會令到讀者容易代入喺影片之中。

2.拍片嘅時候,壓低下盤、腳步放慢
當有啲手機穏定器未能做到鏡頭非常穏定嘅狀態，我哋可以透過將腳伐減慢減細，減低鏡頭震動，就可以拍出比較穏定嘅畫面。

3.用低角度拍攝
使用水平線角度拍攝，一般令人覺得畫面乏味無趣， 反而利用低角度拍攝手法，會令到畫面比較新奇，比較讓觀眾更期待接落嘅每一個鏡頭。

4.利用穏定器上嘅俯仰軸
想令到畫面有更豐富嘅呈現效果，可以喺利用身體移動製造運鏡同時，嘗試穏定器嘅俯仰功能，將鏡頭同時往上往下，令到畫面有tilt up/ tilt down嘅狀態。

#雲台 #拍攝技巧 #自拍棍 #手機穏定器